اصحى يابلد خلاص بقيتى

من طرف **hima** الإثنين ديسمبر 13, 2010 5:41 pm

اصحى يابلد

خلاص بقيتى دمار

على ادين كبيرنا الحمار

الحرامية عايشين فى اذدهار

احنا ساكنين المقابر

وهما نايمين فى العمار

يا شعب ايه جرالك

يا شعب خد قرارك

عاوزك تكون اعصار

بلدنا فى حاله احتضار

كل شىء انهار

وسكوتنا اكبرعار

بيحكمونا بالحديد والنار

وبيرقصونا عالطبله والمزمار

انا دمى خلاص فار

من اللى حاصل واللى صار

كرهت الهدوم والدار

يا مصر فين شبابك

ايه اللى صابك

فرعون سبب عذابك

ولازم ينشوى فى بالنار

ده عميل امريكانى ..وعليكى هو الجانى

باع كل حته فيكى..واحنا عالبيعه كمان

ده نتن.يا.هو . واليهود بيحبوه

اصلهم من عيله ابوه

على الحدود يموتونا

ويكفينا بس اعتزار

اصبحنا فى حكم الديكتاتور

لا ميه ولا نور

حتى العيش بالطابور

ناكل؟نموت؟نغور؟

اصل البلد ناسها كتار؟

يا شعب اصيل وطيب

ليه عقلك مغيب

وواخدها باستهتار

ورينى قيمتك..فين عزيمتك

والجد والاصرار

يا مصريين حب البلد من الدين

البلد محتجالكم ومدالكم الادين

خلصوها من الوسخين

وخلو قبورهم فيها مزار

اصحو يا شطار اصحو يا احرار اصحو يا ثوار

من طرف **layalyelmagrab** الإثنين ديسمبر 27, 2010 3:52 pm

علي رايك اصل الناس كثير

سبب المواليد وكثرتهم حقا سبب اعاقة بنمو الاقتصاد بمصر

شكرا لما كتبت

لياالي

اصحى يابلد خلاص بقيتى

اصحى يابلد خلاص بقيتى

رد: اصحى يابلد خلاص بقيتى